05 septiembre 2006

Historias

"Cóntame unha historia, repito, unha historia de voces por escrito. Mínteme de veras e asústame de noite; á luz da candea, pel con pel. E faite inverno, coma o lobo entre folerpas, nos límites dos bosques. Comeza a historia das historias polo medio e sen remate. Ferido amor a ben, como o vento que brada nos rochedos máis esguíos, entre os toxos sen flor. Fría noite, horizontal. E todos a piques de ficar durmidos e achanzalo todo: argumentos, linguaxe. Liñas brancas e blas sons. Benvido medo e dos teus labios. [...] ¿Recordas, amor, o aceno sanguento do malo derrotado?, a rapaza e o rapaz por fin dándose un bico, e todos insolentes a fuxir dos tempos, a burlar a memoria. ¡bang, bang, bang! Rozar a morte e triunfar, e rir ás gargalladas. Chorar de gusto e escoitar. E uns ollos que nos miren e nos miren a matar, e nos digan con rabia que bícame, arrástrame, tócame, sínteme, mórdeme, éncheme os oídos e cóntame unha historia."
Xurxo Borrazás Eu é

No hay comentarios.: